ప్రధాని మోడీ హైదరాబాద్ పై ప్రశంసలు కురిపించారు. అది కూడా తన విదేశీ టూర్ లో ప్రపంచ దేశాల ప్రెసిడెంట్ల ముందు. భారత ఐటీ రంగానికి కేరాఫ్ అడ్రస...
ప్రధాని మోడీ హైదరాబాద్ పై ప్రశంసలు కురిపించారు. అది కూడా తన విదేశీ టూర్ లో ప్రపంచ దేశాల ప్రెసిడెంట్ల ముందు. భారత ఐటీ రంగానికి కేరాఫ్ అడ్రస్ హైదరాబాద్ అంటూ కితాబిచ్చారు. ఆస్ట్రేలియా టూర్ లో ఉన్న ప్రధాని ఐటీ రంగంలో ఆస్ట్రేలియాకు బ్రిస్బేన్ ఎలాగో… భారత్ కు హైదరాబాద్ ఐటీ కేంద్రమని కొనియాడారు. సైబరాబాద్ గా హైదరాబాద్ నగరం ప్రసిద్ధి చెందిందని చెప్పారు. బ్రిస్బేన్, హైదరాబాద్ నగరాల మధ్య సోదర బంధం ఉందన్నారు మోడీ. ప్రధాని మోడీ కామెంట్స్ తో ప్రపంచం చూపు మరోసారి హైదరాబాద్ వైపు మళ్లింది. ఇప్పటికే దేశ విదేశీ కంపెనీలు పెట్టుబడులు పెట్టేందుకు రెడీగా ఉన్నాయి. అసలు తెలంగాణ ఏర్పాటు తర్వాత హైదరాబాద్ కు కొత్త పెట్టుబడులు రావడం లేదని, ఉన్న కంపెనీలు వెళ్లిపోతున్నాయనే ప్రచారం జరిగింది. అందుకు భిన్నంగా ఇప్పుడు ప్రధాని స్టేట్ మెంట్ తో వాస్తవ పరిస్థితి ప్రపంచానికి తెలిసింది.
అటు పెట్టుబడులు ఆకర్శించేందుకు రాష్ట్ర ప్రభుత్వం కూడా తీవ్రంగా ప్రయత్నిస్తోంది. ఇప్పటికే పలు అంతర్జాతీయ సంస్థలతో కీలక ఒప్పందాలు కూడా చేసుకుంది. మైక్రోసాప్ట్, డీలైట్, టాటా కన్సల్టెన్సీ సర్వీసెస్ సంస్థతో పాటు ఇతర కంపెనీలు తమ పెట్టుబడులు మరింత విస్తరించేందుకు ప్లాన్ చేసుకుంటున్నాయి. మరోవైపు భాగ్యనగరానికి మణిహారంగా చెప్పుకునే మెట్రో ప్రాజెక్ట్ పూర్తయితే మరిన్ని వేల ఉద్యోగాలు అందుబాటులోకి రానున్నాయి. దీంతో పాటు ఫార్మా కంపెనీలు, బయోటెక్నాలజీ, వ్యవసాయ పరిశోధనా సంస్థలు కూడా పెట్టుబడులు పెట్టేందుకు ముందుకు వస్తున్నాయి. మున్ముందు రియల్ ఎస్టేట్, బీమా, బ్యాంకింగ్ రంగాలు కూడా మరింత అభివృద్ధి చెందడం ఖాయమంటున్నారు నిపుణులు.
